بسم الله الرحمن الرحيم
في البداية أحب أن أنوه علي حاجه أنا كتبتها بس للأسف عيونكم مش بتشوف كل الكلام بتشوف بس إلي عيزين
تشوفوه وبس والكلام ده كان في المناقشة إلي أحنا عملنها قبل ما نعمل الوثيقة يعني لو حضراتكم نزلتوا شويه علشان
تقروا الكلام حتشفوه الكلام بيقول :
مــلــحــوظـــة
أنا بقول وجهة نظري مش بالضرورة تكون صح ومش بالضرورة تكون ملزمة لكل الناس بس أنا قولت رائي علشان
العالم ده يهمني ونفسي الاقيه بيرتقي بالناس إللي فيه مش ينزل بيهم لتحت وإلي عنده حاجه مش عجباه أو حاجه عجباه
يكتبها علشان نلخصها في موضوع واحد ونسميها وثيقة عالم التدوين وننشرها علشان الناس كلها تعرف اسس ومبادئ
التدوين وتلتزم بيها والوثيقة دي مش بتقيد التدوين ولا الأفكار ولكن بتقيد الحاجات الجارحه إلي بتقلل من التدوين
وبتقلل من قيمة الناس الموجودة فيه
وحتي في النقد بتعكم نقد مفهوش أي نوع من أنواع المحايدة المفروض الي بينقد حد يقول ( أنا بتفق معك في هذا
وبختلف معاك في ذاك ) مش ينقد كل حاجه ويحسس إلي بيكلمه أنه معملش أي حاجه صح خالص
نيجي بقي لبعض النقاط الي المختلف عليها
(رد علي عاقله علي أرض من الجنون)
1- بالنسبه للنقطة إلي بتقول ( ان الوثيقة حتقيد التدوين )
أحنا طبعا نوهنا علي أن الوثيقة مش معموله علشان تقيد حرية حد ، بس عملنها علشان تنظم العلاقة الإنسانيه بين
المدونين ، ويكون عالم جميل مفهوش نقطة ضعف ويكون له هدف سامي نتطلع أن أحنا نرتقي إليه ، وبعدين لما يكون
الواحد محترم حيبقي ده اسمه تقيد حرية ؟؟؟
وبسال الناس الي بتتكلم عن الحرية وبتقول بتقيد الحرية أيه معني الحرية عندكم
من معني كلامكم أنها ( أن أحنا نعمل إلي عيزينه )؟؟؟
تصحيح لمعني الحرية
(الحرية معناها أنك تعمل إلي أنت عايزه بس في نفس الوقت متأذيش أي حد تاني )
****************
وبالنسبه لموضوع التقليعات الغريبه
أولا تصحيح للغوي للناس الي شاطره في اللغة العربية وشاطره في الأملاء
أنا مقولتش التقليعات (الغربية) بس أنا قولت التقليعات (الغريبه) التي لا تتناسب مع عادتنا وتقاليدنا يعني حددت ،
ومعني كلمة غريبه هي كل حاجه متتفقش معانا ومع أخلاقنا والحاجات إلي أهلنا ربونا عليها ولو كان في حد متربي علي
الحاجات دي يبقي له حق في إلي بيعمله .
مثلا : هل تحبي أو تحب أن حد من اهلك يدخل مدونة ملايئة بالأفاظ الجارحه أو الصور العاريه أو أو ينشروا فكرة
الاباحية لو كنتي أو كنت ترضي بالموضوع ده فيبقي دي حاجه تانيه خالص
*************
بالنسبه لنقطة المصلحه الشخصية
ايوه في مصلحه شخصية ، في ناس بتدخل التدوين علشان تنشر أفكار غريبة وتنشر الفكر الذي يقضي علينا وعلي
مصلحتنا وعلشان تحرك بيه الناس زي ما هي عايزه
زي لو لقيت حد بينادي بالحرية وأن الدين لله والوطن للجميع ( شيوعي ) وأحد بيقول ربنا يخللنا الريس وكتر خيره
علشان صابر علينا ومستحملنا ( حزب وطني ) وأحد تاني بيقول الإسلام هو الحل ( اخوان )
يبقي التدوين خرج من موضوع الحرية وأنك تفيد وتستفيد من خبرات الناس ودخل لموضوع تاني خالص إلي هو
الأحزاب والفئات ولو التدوين كده يبقي كل وأحد يروح ينتمي لحزب أو فئه لأنه بكده مش بيتكلم علي لسانه ولكن بيتكلم
علي لسان الحزب إلي منتمي إليه
********************
بالنسبه لكلمة النقض ( انا بتاسف عليها ) معلش أصلي خريج محو الأمية
وكونك بتدقق أو بدققي في اللغة يبقي روحوا شوفوا أنتوا بتكتبوا ايه أصلا وبصوا للموضوعات الي كتبتوها قبل كده
النقد البناء
( أنك تنصح من غير ما تجرح ) تعترض علي إلي بيقوله الشخص مش علشان الشخص نفسه أو علشان فكرة
الأعتراض ولكن علشان تصحح الفكر عنده وتخلي العالم إلي عيشين فيه أفضل لكن الي بلحظة عند معظم المدونين أنهم
أول ما حد ينتقدهم يكتب بوستات كامله علشان ينتقده ويا ريت بينتقده باسلوب مهذب أو محترم ولكنه بيغلط فيه بالفاظ
جارحه وبيقول عبارت لو كانت بدل علي شئي فبدل علي البيئة إلي هو جاي منها
*********************
بالنسبه لموضوع الأفكار الهدامه
الفكر الهدام هو الفكر الذي يدعوا إلي الأنحلال والفساد وتشجيع الناس علي التسيب والأنحطاط
وبعدين في حاجات مينفعش فيها رائيين ولو حصل كده يبقي أحنا عيشين في غابة وكل وأحد عايز يعمل حاجه يعملها
وأنشالله الناس التانيه تنحرق
مثال : الحديث الي قاله الرسول (مثل القائم في حدود الله والواقع فيها كمثل قوم استهموا على سفينة، فصار بعضهم
أعلاها وبعضهم أسفلها، فكان الذين أسفلها إذا استقوا من الماء مروا على من فوقهم، فقالوا: لو أنا خرقنا في نصيبنا
خرقاً ولم نؤذ من فوقنا، فإن تركوهم هلكوا وهلكوا جميعاً، وإن أخذوا على أيديهم نجوا ونجوا)
وعالم التدوين ده عامل زي السفينه فيها الكويس والوحش ولو سبنا الناس الوحشه تعمل الي عيزاه ويبقي العالم ده
أخرته قريبه قوي
مثال تاني علشان لو محدش فهم قصدي
لو وأحد مقتنع أن السرقة حلال ومفهاش أي حاجه وأن ده من حقه ، خلاص نسيبه ونقول أنه عنده فكره ولأزم
نحترمها ؟؟؟ والا حنقول ايه ... ولو كده يبقي الناس الي بتسرقنا عندها حق وليها سبب مقنع أنها تسرقنا
*************************
بالنسبه لنقطة مدونات الشواذ والمثلين
كلمة مثليين معناها ولد مع ولد وبنت مع بنت ودي طبعا مينفعش علشان ربنا قال كده وطبعا ربنا قال كده علشان
مصلحتنا علشان لو حصل كده سوف ينقرض الجنس البشري وتلاقي الواحد بدل ما يروح يدور علي عروسه يدور علي
عريس له
وأحنا بنقول نقاطع المدونات الشواذ والمثليين لأنها بتتخالف مع الي قاله ربنا والعادات والتقاليد بتعتنا لو ترضي علي
أختك أو أمك أنها تدخل وتشوف الكلام ده أو تشوف الصور بتاعت العري والمثليين ويعملوا زيهم؟؟ وأنتي لو ترضي
لأبوكي أو أخوكي أو جوزك أنهم يدخلوا المدونات دي ويقروا الكلام بتعهم ويشوفوا صورهم ويعملوا زيهم يبقي عندكم
حق في الي بتقوله
***********
موضع ابعاد غير المسلمين
يا ريت حد يقولي من عناصر الوثيقة الي بيقول كده أنا إلي قولته أن أحنا نلتزم بالمبادئ الإسلاميه الحنيفه
هل مبادئ الإسلام تتعارض مع الديانات السماوية الأخري ؟ هي تدعو إلي الفجور والرذيله ؟ هل الدين المسيحي أو
الإسلامي يدعوا إلي قلة الأدب وعدم احترام رائي الأخرين ؟ هل الدين المسيحي أو الإسلامي قال أننا نغلط في الناس
وننشر روح الفساد ؟
بعتقد أن مفيش دين سماوي قال كده ؟ وبعدين اسمها دينات سماوية يعني نزله من السماء وبتدعوا إلي الخير والحب
والأخوة والتعاطف والتراحم بين الناس ودي طبعا مبادئ الإسلام
وبالنسبة لكلام الأخ أحمد الصباغ
لو استبعدنا غير المسلمين من التدوين
واكتفينا بما يسمى التدوين حسب الشريعة الاسلامية
واكتفينا بالـــ مبادئ الاسلامية الحنيفة فى التدوين
واستبعدنا المثليين والشواذ والملحدين
واستبعدنا الكتابات الانهزامية
وبعدنا عن المصلحة الشخصية فى التدوين
واستبعدنا المجاملات واستبعدنا البذاءات
واستبعدنا التقليعات الغربية
زى ما انتو بتقولوايبقى التدوين مالوش لازمة
ونروح احسن نقرا كتب وجرايد
الكلام ده لو دل علي شئ يبقي بيدل علي أن الحاجات دي موجودة وأساسي كمان في التدوين وأن أغلبية الناس بتدخل
علشان كده وان التدوين مينفعش من غيرها
وبجد لو التدوين بالشكل ده يبقي الواحد ميدخلهوش أحسن وأخد بنصحتك أنا والمدونين الشرفاء ونروح نقرا كتب
وجرايد
بالنسبه لمهندس مصر
في النقطة رقم 1 أنا مش حاقدر ألتزم بيها لإن لما الاقي واحد شيعي او بهائي او حتى من حملات التنصير و الهجوم
على الإسلام بيقول معلومات مغلوطة مش حأقدر افضل ساكت لازم ارد بالحقائق حتى لو اتصنف الرد على إنه عدائي
أحنا مقولناش أنك تسكت ومقولنش أنك متردش رد عدائي ولكن أحنا قولنا ترد بس بأسلوب منطقي وبعقلنيه علشان إلي
أنت بتنقده يحاول يفهم فكرتك وممكن يتغير بسبب ردك وممكن ميقتنعش برائيك لكن في نفس الوقت يحترم فكرك
لكن لو أستخدمت الألفاظ البذيئة والقبيحه هل تعتقد أنه حيقتنع
بفكرتك أو ميردش عليك حتي لو كان كلامك صح لأزم يغلط فيك ويبقي كده خرجنا من مضمون المناقشة التي تهدف إلي
التوصل إلي جسر مشترك بين المدونين
في النقطة رقم 5 في غلطة إملائيةإسمه النقد مش النقض
أنا بعتذر عن هذه الغلطة الإملائية التي هزت الكون وقامت لها الدنيا وقعدت ويمكن معذور فيها علشان أنا محامي
وبكتبها كده علي طول وشكرا أنك قولتها علشان أصلحها
وبعدين هي المشكله دلوقتي موضوع غلطة املائيه أو حروف ناقصه ، أنا بتكلم في موضوع خطير وقضيه كبيرة بجد
الناس الي علقت علي موضوع الغلطة اثبتولي أنهم من الأشخاص الذين يتصيدون الأخطاء وأن الموضوع مش موضوع
وثيقة بل موضوع هجوم وخلاص
وانا معاك في موضوع المجاملة وأنها متزدش عن الحد، بس أحب أوضحلك حاجه مهمه أنك لما بتشجع حد علي حاجه
غلط يبقي مش بتنفعه أنت كده بتخليها يتمادي في ما يفعله ويمكن توصله لحاله كان عمره ما حيوصل لها دون مجاملتك
له ، ومش معني أن احنا منجاملش أن احنا نغلط في الناس
معني المجاملة أن أحنا نقول رائينا بأسلوب حضاري من غير تجريح
النقطة رقم 7 فيها حجر على أراء أصحاب الديانات الأخرى و محتاجة إعادة صياغة
مووضع ابعاد غير المسلمين
يا ريت حد يقولي من عناصر الوثيقة الي بيقول كده أنا إلي قولته أن أحنا نلتزم بالمبادئ الإسلاميه الحنيفه .
هل مبادئ الإسلام تتعارض مع الدينات السماوية الأخري ؟ هي تدعو إلي الفجور والرذيله ؟ هل الدين المسيح أو
الإسلامي يدعوا إلي قلة الأدب وعدم احترام رائي الأخرين ؟ هل الدين المسيحي أو الإسسلامي قال أننا نغلط في الناس
وننشر روح الفساد ؟
بعتقد أن مفيش دين سماوي قال كده ؟ وبعدين اسمها دينات سماوية يعني بتدعوا إلي الخير والحب والأخوة والتعاطف
والتراحم بين الناس ودي طبعا مبادئ الإسلام واحنا لما عملنا الوثيقة دي دعينا الناس لتنفيذ هضه المبادئ التي وضعتها
الديناتات السماوية
مين هما اللجنة التأسيسية للمدونين ؟ و هل بيعبروا عن حد اكتر من نفسهم ؟
اللجنة التأسيسية هي الناس الي شجعت الفكرة ووافقت عليها مبدائيا . وبعدين أي منهج بيتحط ممكن يتعدل للأحسن وأنا
مقولتش أن هي ملزمه لحد وقولت إلي فيه حاجه مش عجباه أو عنده أقتراح بتعديلها يتفضل مشكوراً ويمكن تعدلها أو
أضافتها بس لأسف الناس مش عايزه تعدل أو تقترح فكرة الناس بس عايزه تنقد وخلاص علشان تعمل فرقعه ونشر
لمدونتهم وخلاص
والناس الي مشتركة في هذا الموضوع ناس محايدة لا ينتموا لأي فئة أو حزب ، ناس شافت أن إلي بيحصل ده مش
بيخدد حد غير الناس الي نفسها تخرب وخلاص وحبت تقول رائيها بكل صراحه في الي بيحصل ده
بالنسبه لموضوع انها حتتحول لحزب أو الكلام ده
أحنا قولنا أن أحنا بنظم العلاقة بين المدونين وبعضهم علشان متلاقيش ناس بتغلط في ناس وناس بتجرح في ناس
عيزينه عالم ينتزع منه الحزبية والأنتماء لفئة معينه عيزين كل الناس تقول الي في نفسها بس من غير ما تغلط في حد
أو تجرح في حد
ملحوظة : الناس الي انا رديت عليهم رديت علشان هم ناس محترمه وفكرهم عالي وأنا بحترم وجهة نظهرم وحبيت
أوضح لهم وجهة نظري وفكري ، أما الناس الواطيه إلي قالت ألفاظ جارحه وكلام ميصدرش غير من وأحد وأطي فأنا
مبتعملش مع وطيين ولا بعبرهم أصلا ومهما يقولوا ويغلطوا فهم مش في دماغي لأني أكبر من كده بكتير
إلي الناس إلي غلطة علي كيار ..
أنا إلي كاتب الموضوع وصاحب الفكرة وعيب لما تقول الفاظ جارحه لبنت، انتوا اتعلمتوا كده من مين ؟؟! وعلي فكرة
أنا مؤمن بالمقولة إلي بتقول ( كل اناء بما فيه ينضح ) يا تري الأناء بتاعك فيه أيه ؟؟؟
وبحد أنا حزين علي كل وأحد غير رائيه أو أنسحب من التضامن معانا، لأنه بجد خسر كتير وأهم حاجه خسرها نفسه
علشان مدفعش عن إلي مؤمن بيه ومقلش كلمة حق في وقت كانت فيه كلمة الحق مطلوبه وحتغير كتير لو أتقالت
امضاء
مجنووون
